0

>>Nola gainditu idazlanak (B2: HABE, IVAP, Osakidetza, EGA…)

Posted by euskeraikasi on 2017-01-08 in idazlan c1, idazlanak b2, Sailkatu gabea |

Idazlana azterketako proba zailenetakoa da. Nola gainditu idazlanak? Proba hori gainditzeko trikimailuak daude? Bai, badaude. Ez dago formula magikorik baina bai trikimailurik: esaldi estandarrak, estrategia, hitz gakoak…

Horrez gain gramatika menperatzea ezinbestekoa da. Akats gramatikalekin aztertzaileari erraz jarriko diozu bere lana, hau da, zuri nota jartzea. Konkretuki zure suspentsoa jartzea.

Nola gainditu idazlanak? Gramatikan hobetzeko, azalpen onak eta ariketak beharrezkoak dira.

Aurrekoaz gain, zuk idazten duzunak zerbait transmititu behar du. Ideia sinpleak baina ulergarriak.

Alde horretan hobetzea zailagoa da. Nik teknika ezberdinak erabiltzen ditut. Ariketa batzuekin antolatzaileekin lan egin dezakezu. Baina hortik haratago joan behar duzu.

Kontsulatu teknika eta trikimailu guztiak modu profesionalean, hemen.

Idazten ikasten ikasi nahi duzu? Zure idazlanak irakasle batek pazientziaz zuzentzea eta ondo aholkatzea oso garrantzitsua da.

Azterketa prestatzeko, hainbat idazlan egin behar duzu eta irakasle batek zuzendu behar du. Baina zuzenketa hori ondo egitea oso garrantzitsua da. Kontuan hartu:

1) Akatsak (gramatika, ortografia, hiztegian…) argi markatu behar dizkizu, baina baita zuzendu, hau da, argi azaldu hurrengoa: nola egon beharko litzateke ondo?

Gainera, akats guztiek ez dute larritasun maila bera:

  • Estrukturalak dira: zuk gramatikako zerbait ez dakizu edo ez duzu ulertzen. Hurrengo idazlanetan berriro egiteko aukera handiak daude.

Adibidez: Guk etorri dugu. (etorri aditza, NOR-NORK erabilita: txarto)

  • Puntualak izan ahal dira (adibidez: lapsus/despistea).
  • Akats ez hain larriak: adibidez, B2 mailan akats batzuk “onargarriagoak” dira, baina C1en gehiago zigortzen da.

Adibidez, ortografia: zihur eta ez ziur.

 

Akats estrukturalak badituzu, komenigarria da gramatika azaltzen duen materiala edukitzea eta horri buruzko ariketa zehatzak (konkretuak) egitea, ziurtatzeko ondo ulertu eta ikasi duzula.

Akats guztien artean, aditza eta deklinabidea garrantzitsuenak dira, beti-beti agertuko direlako.

 

2) Gainditzeko aukerak handitzeko, beste atal garrantzitsua aberastasuna da.

  • Gramatika egiturak: aditzak (subjuntiboak, ahalera hipotetiko, trinkoak…)
  • Hiztegia: antolatzaileak, hitz komodinak…

Informazio zehatza nahi baduzu, kontsultatu euskaragara.net

euskara ikasi Liburu Birtuala3) Gero eta gehiago baloratzen dute, eskatzen denari erantzutea eta ez beste zerbaiti. Horregatik, enuntziatuko puntuak banan banan jarraitu behar dituzu. Azken urteetan, joera (tendentzia) hau da: egoera fiktizio bat planteatzen dute eta ez duzu “zure iritzi edo ikuspegia” idatzi behar baizik eta enuntziatukoa.

Adibidez: “Gurasoa zara eta zure umeak ikastolako jantokian arazo bat du”.

 

Idazlan ereduak (modeloak)

Idazlan mota ohikoenak hauek dira:

  • Iritzi artikulua
  • Gutuna (formala edo informala)

 

Gainera, nik beste teknika bat erabiltzen dut: zure idazlana publikatzea (B2 aurreratuan edo C1en).

Publikatzeko orduan, ikasleari laguntza berezia eman behar diot. Ez bakarrik idazlana ondo zuzendu eta txukuntzeko. Baita non eta nola argitaratzeko orduan ere. Baina behin hori ikasita, ikasleak berak erraz igoko ditu idazlan gehiago.

Nire ikasleek hemen publikatzen dituzte bere artikuluak: berria.eus, zuzeu.eus, gamerauntsia.eus, wikipedia…

Bideo gehiago (pribatu edo publikoak) ikusi nahi badituzu, harpidetu (suskribitu) hemen.

 

Eta HABEko azterketa gainditu ondoren, zer? Orduan, hurrengoa esan daiteke: HABEmus titulum!

Habe titulua lortzen baduzu, badakizu zer esan: HABEmus titulum.

Azalpena: Aita Saintua (Papa) hiltzen denean, Vaticanoan elkartu egiten dira Konklabean hurrengo Aita Saintua nor izango den erabakitzeko. Eztabaiden ondoren erabakia hartzen dutenean, Habemus Papam esaten dute, hau da, latinez, Badugu Aita Saintua (“Habemos Papa” edo “Tenemos papa” antzeko bat).

 

Urteen poderioz, milaka idazlan zuzendu eta gero, ikasleen arazo nagusiak detektatu ditut. Horietako bat hurrengoa da:

Aberastasun falta hiztegia eta aditzetan. Aberasteko teknikak.

Hiztegia aberastu behar duzu? Kasu batzuetan ikasleak ez daki hitz baten sinonimo edo baliokidea. Beste askotan, ezagutzen ditu, baina arazoa da ez duela azaleratzen.

Imajinatu gaia “Telefono mugikorrak ikastetxeetan debekatu, bai edo ez?” dela.

Normala denez, idazlanean zehar “telefono mugikor” eta “ikastetxe” askotan erabili beharko da. Baina nahiko pobre da 300 hitzetako idazlan batean “ikastetxe” 5 aldiz baino gehiago erabiltzea. Zer egin dezakegu “ikastetxe”rako alternatibak topatzeko?

  • Sinonimoa: institutu, ikastola
  • Baliokidea: hezkuntza gune, ikasketa zentro
  • Omisioa: ez errepikatu, ez aipatu berriro.
  • Erakuslea: hau, hori, hura…/Leku adberbioa: hemen, hor, han…

Adibide zehatzago, esaldi baten barruan:

Ikastetxe askok telefono mugikorrak debekatzea erabaki dute, baina gure ikastetxean ez da, momentuz, erabakirik hartu.

Aurreko esaldian 2 aldiz erabili da “ikastetxe”. Aurreko 4 alternatiba erabiltzeko teknikaz:

  • Sinonimoa: Ikastetxe askok telefono mugikorrak debekatzea erabaki dute, baina gure ikastolan ez da, momentuz, erabakirik hartu.
  • Baliokidea: Ikastetxe askok telefono mugikorrak debekatzea erabaki dute, baina gure ikasketa zentroan ez da, momentuz, erabakirik hartu.
  • OmisioaIkastetxe askok telefono mugikorrak debekatzea erabaki dute, baina gurean ez da, momentuz, erabakirik hartu.
  • Erakuslea: Ikastetxe askok telefono mugikorrak debekatzea erabaki dute, baina zentro honetan/hemen ez da, momentuz, erabakirik hartu.

Zeintzuk izan daitezke “telefono mugikor”-entzako alternatibak?

Telefono adimentsu (smartphone), telefono (“mugikor” omitituz), sakelako telefono, eskuko telefono, segapoto (lagunartean), poltsikoko telefonoa

Ziurrenik proposatu ditudan hitz gehienak ezagutzen dituzu jadanik. Irakurri edo entzun dituzunean, ulertu dituzu. Baina zergatik ez zaizkizu bururatzen idazlana egitean? Agian idazteko ohitura falta duzu eta konturatu gabe jartzen dituzu, ohartu gabe “errepikakorra” edo erredundantea zela. Baina egon lasai, aipatutako teknikarekin hobetuko duzu. Hori bai, zure irakasleak lagundu beharko zaitu prozesu honetan.

Beste kasu askotan, hiztegia landu behar da, hiztegi mugatua (vocabulario limitado) duzulako. Hori klasean egiten da, baina baita egunerokoan ere. Nola?

Adibide erraz bat. Zein hizkuntzatan duzu zure telefonoa konfiguratua? Eta zure Gmail posta elektronikoa?

Horiek euskaratzea nahiko erraza da. Eta hori eginez gero, hainbat hitz berri topatuko dituzu (partekatu, jakinarazpen, harpidetu, ezarpenak, gogokoak…). Egunean zehar pantailari begira ari garenez, behin eta berriro topatuko dituz hitzok.

Hortaz, oso praktikoa da. Ziurrrenik, klasean landu duzun hiztegi hori azkar ahaztuko zaizu, baina sakelekoan edo posta elektronikoaren bidez, ziurrenik ez. Eta hitz horiek idazlanean erabiltzeko primeran etorriko zaizkigu. Are gehiago, gaia “teknologia”, “sare sozialak” edo “mugikorrak” badira.

 

Topatu dudan beste akats edo zailatasuna, zera da: ideia edo argudio aberastasun falta.

Arlo honetan hobetzeko, teknikak ere badaude. Eskema eta enuntziatuko elementuak erabiliz, hobetuko duzu. Horretaz gain, gaiaren inguruan “ikuspegi zabaleko hausnarketa (erreflexioa)” teknika erabilgarria da.

Etiketak: , ,

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Copyright © 2017-2020 IDAZLANA All rights reserved.
This site is using the Desk Mess Mirrored theme, v2.5, from BuyNowShop.com.